Jharkhand Combined Entrance Competitive Examination Board (JCECEB) har saal state ke sarkari aur private engineering institutes mein Diploma (Polytechnic) courses mein admission ke liye PECE (Polytechnic Entrance Competitive Examination) conduct karta hai. Is saal PECE 2026 ke application forms May se shuru ho chuke hain aur exam ki date 5 July 2026 (Sunday) tay ki gayi hai.
Exam dene ke baad bacho ka sabse bada sawal hota hai ki achha college pane ke liye counselling kaise hoti hai. Rank acchi aane ke baad bhi agar aap jceceb polytechnic counselling schedule 2026 aur sahi choice filling process ko nahi samajhte, toh kharab college ya branch milne ka dar rehta hai.
JCECEB Polytechnic Counselling Schedule 2026
JCECEB ke pattern ke according, July mein result aane ke turant baad counselling ka registration window shuru ho jata hai. Board generally teen bade rounds aur uske baad bachi seats ke liye open ya special rounds chalata hai:
| Round | Activity Event | Important Expected Dates |
| Round 1 | Online Registration & Choice Filling | July 2026 ka last week |
| Seat Allotment Letter Release | August 2026 ka 1st week | |
| Document Verification & Admission | August 2026 (Ist Week) | |
| Round 2 | Display of Vacant Seats & New Choice Filling | August 2026 ka 2nd week |
| 2nd Round Seat Allotment & Admission | August 2026 ka 3rd week | |
| Round 3 | Choice Filling for Leftover Seats | August 2026 ka last week |
Step-by-Step Online Counselling Process
Jharkhand PECE ki counselling poori tarah se online hoti hai. Aapko board ke office jane ki koi zaroorat nahi hai. Chaliye poore step ko samajhte hain:
1.Counselling Portal Par Register Karein:
JCECEB ki official website jceceb.jharkhand.gov.in par jayein. Wahan "Click Here for All Online Counselling 2026" ke link par click karein. Apne PECE 2026 ke Roll Number aur Application Number ka use karke naya login password generate karein.
2.Counselling Fee Ka Online Payment:
Login karne ke baad aapko counselling participation fee bharni hogi. General/EWS/BC-1/BC-2 ke liye ye lagbhag ₹400 hoti hai aur SC/ST/Female candidates ke liye ₹250 hoti hai. Ise aap UPI ya Debit Card se pay kar sakte hain.
3.Choice Filling Aur Locking:
Ye sabse important step hai. Aapke samne Jharkhand ke sabhi sarkari (Government) aur private polytechnic colleges ki list aayegi. Apni rank ke hisab se colleges aur branches (Mechanical, Civil, Computer Science, etc.) ko preference list mein set karein aur form ko lock kar dein.
4.Seat Allotment Letter Download Karein:
Tay tithi par JCECEB apni website par 'Provisional Seat Allotment List' nikalega. Agar aapko koi college mila hai, toh login karke apna Allotment Letter download kar lein. Is letter mein aapko mile college aur verification center ka naam likha hoga.
5.Document Verification Aur Admission:
Allotment letter milne ke baad aapko diye gaye government polytechnic college mein apne saare original documents lekar physical verification ke liye jana hoga aur wahan admission fees jama karni hogi.
Document Verification Ke Liye Zaruri Papers List
Admission ke din aapke paas niche diye gaye saare documents ke original copy aur 2 sets photocopy hone chahiye, varna seat cancel ho sakti hai:
- JCECEB PECE 2026 Admit Card aur Rank Card (Result copy)
- Class 10th (Matric) ka Marksheet, Passing Certificate aur Admit Card
- Provisional Seat Allotment Letter (Jo portal se download hoga)
- Local Resident Certificate (Jharkhand ka Awasiya Praman Patra - SDO/Tehsildar level)
- Caste Certificate (Agar aap reservation category ka labh le rahe hain)
- Transfer Certificate (CLC/SLC) aur Character Certificate
- Medical Fitness Certificate (Kisi bhi Registered Medical Practitioner se banwaya hua)
FAQs: Aksar Puche Jane Wale Sawal
1. JCECEB polytechnic counselling ke liye official website kaun si hai?
Iske liye official portal jceceb.jharkhand.gov.in hai. Isi website ke homepage par aapko online counselling ka portal link milega.
2. Agar mujhe Round 1 mein pasand ka college nahi mila toh kya karein?
Agar aapko pasand ka college ya branch nahi mila, toh aap admission le kar 'Upgradation' option select kar sakte hain ya fir direct 2nd Round ki counselling mein fresh choices bhar kar participate kar sakte hain.
3. Kya counselling fee har round mein alag se deni padti hai?
Nahi, registration aur counselling participation fee aamtaur par ek hi baar lagti hai. Agar aap agle round mein seat upgrade karna chahte hain toh dobara paise nahi dene hote, bas preferences change karni hoti hain.
4. Bihar ke students Jharkhand polytechnic counselling mein apply kar sakte hain?
Jharkhand ke government polytechnic colleges ki seats par admission ke liye candidate ka Jharkhand ka sthai/sthaniya niwasi (Local Resident) hona zaroori hai. Open seats ya private colleges ke liye baaki log dekh sakte hain.
5. Anti-Ragging Affidavit kab lagta hai?
Anti-Ragging certificate aur Medical certificate ki zaroorat aapko allotment ke baad final admission ke din college campus mein padti hai, counselling ke waqt ise upload nahi karna hota.