Ministry of Electronics and Information Technology (MeitY), Government of India dwara chalaya jane wala National Scholarship Portal (NSP) desh ka sabse bada scholarship hub hai. Is portal ke zariye Central Government, State Governments aur UGC/AICTE ki bauth saari schemes (jaise Minority, SC, ST, OBC, Single Girl Child, aur Merit-cum-Means scholarships) ko ek hi jagah manage kiya jata hai. Agar aap school mein hain ya kisi college/university mein higher studies kar rahe hain, toh NSP aapko apni padhai poori karne ke liye ek bauth aacha financial support deta hai.
NSP portal par har saal lakhon bache apply karte hain, lekin pichle kuch samay mein portal par ek bahut bada badlav kiya gaya hai jise OTR (One-Time Registration) kehte hain. Agar aap is saal pehli baar apply kar rahe hain aur sooch rahe hain ki nsp scholarship 2026-27 fresh registration kaise kare, toh yeh article aapke liye hi hai. Bahut se students bina new rules jane purane tarike se registration karne ki koshish karte hain aur unka application beech mein hi atak jata hai. Chaliye is naye aur digitalized process ko aasan bhasha mein samajhte hain.
NSP New Update 2026-27: OTR (One-Time Registration) Kya Hai?
NSP ne ab registration process ko bilkul badal diya hai. Ab kisi bhi scheme mein apply karne se pehle aapko One-Time Registration (OTR) poora karna hota hai.
- OTR ek unique 14-digit ka number hota hai jo aapke poore student life mein sirf ek baar generate hoga.
- Iska sabse bada fayda ye hai ki aapko har saal naya registration nahi karna padega, aur aap agle saal isi OTR number se direct renewal kar payenge.
- OTR registration poora karne ke liye aapke paas NSP OTR App ya face authentication facility ka hona zaroori hai.
Step-by-Step Process: NSP Fresh Registration Kaise Karein?
Naye session 2026-27 ke liye fresh registration karne ka poora process neeche diye gaye steps ke according hota hai:
1.Official Portal Open Karein:
Sabse pehle National Scholarship Portal ki official website scholarships.gov.in par jayein.
2.Apply for One-Time Registration (OTR):
Homepage par aapko “Apply for OTR” ya “New Registration” ka link dikhega, us par click karein. Guidelines ko dhyan se padhein, check-boxes par tick karein aur ‘Continue’ par click karein.
3.Aadhar Aur Mobile OTP Verify Karein:
Apna active Mobile Number aur Aadhar Card Number enter karein. Aapke Aadhar se linked mobile number par ek OTP aayega, use daal kar verify karein. Iske baad system aapki photo aur details Aadhar server se automatic fetch kar lega.
4.Face Authentication (NSP OTR App):
Aadhar OTP verification ke baad aapko apne mobile mein Google Play Store se “NSP OTR App” aur “AadhaarFaceRd” app download karni hogi. Is app ke zariye apna face scan (Face Authentication) poora karein. Jaise hi face match hoga, aapka 14-digit OTR Number generate ho jayega.
5.Login Aur Scheme Apply Karein:
Ab wapas NSP portal par aakar apne OTR Number aur password (jo mobile par aaya hai) se login karein. Dashboard par apni Academic Details, Income, College details, aur Bonafide Certificate upload karein. Aapki eligibility ke hisab se jo bhi schemes dikhein (jaise Pre-Matric, Post-Matric), use select karke form Final Submit kar dein.
Registration Ke Liye Zaroori Documents Checklist
NSP par fresh apply karne se pehle in documents ko scan karke ready rakhein:
- Aadhar Card: Aapka naam aur date of birth school certificates se match honi chahiye.
- Valid Mobile Number & Email ID: Jo aage tak active rahe kyunki saari updates SMS par aati hain.
- Current Year Fee Receipt / Bonafide Certificate: Jo aapko aapke naye school/college se milega.
- Income Certificate (Aay Praman Patra): Aapke parivar ki varshik aay scheme ke niyam ke andar honi chahiye (aamtaur par 1.5 lakh se 2.5 lakh ke beech).
- Caste Certificate (Jati Praman Patra): Agar aap SC, ST, OBC ya Minority category ke antargat apply kar rahe hain.
- Previous Class Marksheet: Pichli kaksha ki marksheet jisme kam se kam 50% ya 60% marks (scheme ke anusar) hone chahiye.
- Bank Passbook Copy: Bank khata active hona chahiye aur wo aapke Aadhar se seeded (DBT enabled) hona compulsory hai.
FAQs: Aksar Puche Jane Wale Sawal
1. NSP scholarship 2026-27 fresh registration kab se shuru hoga?
National Scholarship Portal par naye session ke registration mostly July-August ke mahine mein shuru kiye jaate hain aur yeh October-November tak chalte hain. Official dates ke liye portal par regular visit karte rahein.
2. Kya bina Aadhar ke NSP par fresh registration kiya ja sakta hai?
Nahi, naye OTR (One-Time Registration) niyam ke mutabik, ab NSP par registration karne ke liye Aadhar card aur Aadhar Face Authentication bilkul mandatory kar diya gaya hai.
3. OTR number milne ke baad kya scholarship ka paisa aa jata hai?
Nahi, OTR number sirf aapki ek unique identity hai portal par. OTR milne ke baad aapko portal par login karke kisi ek specific scholarship scheme (jaise CSSS, Ishan Uday, Post-Matric) ke liye apply karna hoga aur use institute se verify karwana hoga.
4. Kya ek student ek se zyada scholarship schemes ke liye apply kar sakta hai?
Nahi, aap portal par sirf ek hi scholarship scheme ke liye eligible ho sakte hain aur usi ka labh le sakte hain. Agar aap ek se zyada schemes select karke submit karte hain, toh aapka form duplicate kehkar reject kiya ja sakta hai.
5. Agar mera bank account Aadhar se link nahi hai toh kya karein?
Agar aapka bank account Aadhar se mapped (DBT enabled) nahi hai, toh aapki scholarship rashi pass hone ke baad bhi ruk jayegi. Turant apne bank branch ja kar “Aadhar Seeding Form” bharein aur check karein ki wo active hai ya nahi.