Jharkhand sarkar ke Scheduled Tribe (ST), Scheduled Caste (SC), aur Backward Class (BC) Welfare Department dwara chalaya jane wala E-Kalyan Scholarship Portal state ke gareeb aur honhar bacho ke liye ek aachi opportunity hai. Is portal ke through har saal lakho students ko Matric (Class 10th) pass karne ke baad aage ki padhai jaise Intermediate (11th/12th), Graduation, Post-Graduation, B.Ed, Nursing, ya Engineering karne ke liye financial help milti hai.
Agar aapne is saal apni board pariksha ya college exams pass kar liye hain aur agle session ke liye apna admission le liya hai, toh aapko sahi e kalyan jharkhand scholarship 2026-27 online apply start date ka intezar zaroor hoga.
E-Kalyan Jharkhand Scholarship 2026-27: Important Dates
Jharkhand Kalyan Vibhag aamtaur par naye academic session ke admissions lagbhag poore hone ke baad hi scholarship ka portal open karta hai. Is saal ka tentative schedule neeche diye gaye hai:
- Official Notification Release: July 2026 ke aakhri hafte mein department dwara official advertisement jari kiya jayega.
- Online Application Start Date: Online registration aur form bharna August 2026 ke pehle ya dusre hafte se shuru ho jayega.
- Last Date to Apply Online: Bina kisi late rush ke form bharne ki aakhri date October 2026 ke aakhri hafte tak rakhne ki umeed hai.
- College Verification Last Date: Aapke form bharne ke baad college level par verification ka kaam November 2026 tak chalega.
Eligibility Criteria: Kaun Form Bhar Sakta Hai?
E-Kalyan scholarship ka labh lene ke liye aapko neeche di gayi conditions ko poora karna zaroori hai:
- Jharkhand Ka Niwasi: Student Jharkhand rajya ka sthaniye niwasi (Permanent Resident) hona chahiye.
- Caste Category: Aavedak sirf ST, SC, ya BC (OBC) category se hona chahiye. General category ke bacho ko isme scholarship nahi milti.
- Income Limit (Aay Seema): Student ke parivar ki kul varshik aay (Annual Income) ek tay seema se zyada nahi honi chahiye:
- ST/SC Candidates: Parivar ki varshik aay ₹2,500,000 (2.5 Lakh) se kam honi chahiye.
- BC/OBC Candidates: Parivar ki varshik aay ₹2,500,000 (2.5 Lakh) se kam honi chahiye.
Step-by-Step Process: Online Apply Kaise Karein?
Jaise hi online apply start date active hogi, aap niche diye gaye steps ko dhyan se follow karke apna form khud apne mobile ya laptop se bhar sakte hain:
1.Official Website Par Jayein:
Sabse pehle E-Kalyan Jharkhand ki official website ekalyan.cgg.gov.in par jayein.
2.Student Registration Karein:
Homepage par aapko “Student Login” aur “Student Registration” ka option dikhega. Agar aap pehli baar bhar rahe hain, toh “Student Registration” par click karke apna Aadhar card number, naam, aur mobile number daal kar register karein.
3.Portal Par Login Karein:
Registration ke baad aapke mobile par User ID aur Password aayega. Uska use karke “Student Login” section mein ja kar login karein.
4.Application Form Fill Karein:
Ab “Apply Online” par click karein. Yahan apni personal details, college ka naam, course, aur pichle saal ke marks (Previous Year Marksheet details) dhyan se bharein.
5.Documents Upload Aur Submit:
Apne saare zaroori certificates ko scan karke specified size (JPG format) mein upload karein. Form ko ek baar re-check karne ke baad final submit karein aur uska printout nikal kar apne paas safe rakh lein.
Documents Ready Rakhein
Online apply karne se pehle hi aapko ye saare certificates taiyar karwa lene chahiye kyunki inhein bante-bante 15 se 20 din ka samay lag jata hai:
- Caste Certificate (Jati Praman Patra) – Online bana hua.
- Residential Certificate (Awasiya Praman Patra).
- Income Certificate (Aay Praman Patra) – Yaad rakhein ki Income certificate 01 April 2026 ke baad ka hi bana hona chahiye, purana valid nahi hoga.
- Bonafide Certificate – Yeh aapko aapke naye college se milega jisme fee structure likha hota hai.
- Previous Year Marksheet – Pichli kaksha ki marksheet.
- Bank Passbook Scan Copy – Bank account aapke Aadhar card se link (DBT enabled) hona chahiye.
FAQs: Aksar Puche Jane Wale Sawal
1. E-Kalyan Jharkhand scholarship 2026-27 ka portal kab khulega?
Aamtaur par portal August 2026 ke pehle hafte mein live kar diya jata hai. Jharkhand Kalyan Vibhag apni official website par iski suchna jari karega.
2. Kya main purana Income Certificate upload kar sakta hoon?
Bilkul nahi. E-Kalyan par har naye session ke liye current financial year ka Income Certificate manga jata hai. Aapka aay praman patra 1 April 2026 ke baad ka hi hona chahiye.
3. Kya Jharkhand ke bahar padhne wale bache bhi apply kar sakte hain?
Haan, agar aap Jharkhand ke sthaniye niwasi hain lekin padhai ke liye kisi dusre rajya (jaise Bihar, Odisha, ya Delhi) ke kisi recognized college mein hain, toh aap ‘Outside State’ category chun kar apply kar sakte hain.
4. Scholarship ka paisa kis bank account mein aata hai?
Aapka paisa seedhe aapke us bank khate mein aayega jo aapke Aadhar Card se mapped (Aadhar Seeding / Direct Benefit Transfer – DBT) hai. Form bharte waqt wahi account number dein jo active ho.
5. Agar form bharne mein koi galti ho jaye toh kya use theek kiya ja sakta hai?
Haan, agar aapka form college ya dlc officer dwara “Reject” ya “Query” mein dala jata hai, toh aapko apna login portal open karke use dobara se edit aur sahi document upload karne ka ek mauka milta hai.